Жетісуда қауіпсіздік ережелері сақталмаған соң сарбазға оқ тиіп көз жұмды

Жетісу облысында әскери қызметтегі сарбазға оқ тиіп көз жұмды, деп хабарлайды Orda.kz.

Десанттық-шабуылдаушы әскерлердің баспасөз қызметінің хабарлауынша, қайғылы жағдай жауынгерлік дайындық барысында қарумен жұмыс істеу кезінде қауіпсіздік ережелері сақталмағандықтан болған.

Қазір қылмыстық іс қозғалып, тергеу жұмыстары жүргізіліп жатыр.

«Лауазымды тұлғалар тарапынан салғырттық немесе бақылаудың жоқтығы анықталса, кінәлілер заң аясында ең қатаң жауапқа тартылады. Бұл оқиға Қорғаныс министрінің жеке бақылауында тұр» деп жазылған ресми мәлімдемеде.

Қорғаныс министрлігі марқұмның отбасына қолдау көрсетілетінін айтты.

Айта кетейік, 17 қыркүйек күні Алматы облысы Жамбыл ауданының Отар горнизонында 19 жастағы жас сарбаз өзіне-өзі қол салды. Мүрдесін көруге ата-анасы Алматы қаласына келді. Orda.kz тілшісі марқұмның ата-анасымен сөйлесіп, жағдайға қатысты пікірлерін білді.