Жетісу облысында ірі есірткі зертханалары табылды

Жетісу облысында 2 ірі есірткі зертханасы анықталды, деп хабарлайды Orda.kz. 

 Ұлттық қауіпсіздік және полиция департаменті синтетикалық есірткі өндіретін екі жасырын зертхананың жолын кесті.

«Заңсыз айналымнан 10 келіден астам мефедрон, шамамен 5 келі сұйықтық, 200 литр прекурсорлар, электронды таразылар, синтетикалық есірткі өндіру нұсқаулары бар дәптер, сұйықтық құйылған канистрлер, сондай-ақ синтетик өндіруге арналған құрылғылар тәркіленді»,  деп хабарлады бас прокуратура.  

Сот санкциясымен 5 адам қамауға алынды. Оның екеуі шетел азаматы екені анықталды. 

Қылмыстық кодекстің 297-бабы бойынша сотқа дейінгі тергеу амалдары жүргізіліп жатыр.