Жетісу облысында екі полицей қызмет барысында қаза тапты

Жетісу облысында болған жол-көлік апаты салдарынан екі полицей – 34 жастағы майор Арнур Алханов пен 32 жастағы аға лейтенант Шыңғыс Асылбеков қызмет бабында қаза тапты, деп хабарлайды Orda.kz.       

Қайғылы оқиға түнгі уақытта болған. Құқық қорғау қызметкерлері қызметтік міндеттерін атқарып жүрген.

Алдын ала мәлімет бойынша, олар жолдың жүріс бөлігінде тоқтап тұрған көлікпен соқтығыспауға тырысқан. Алайда, жүргізуші өз көлігінің жол жиегінде, апатты шамын қосып тұрғанын алға тартады.

Апаттың алдын алу мақсатында полицейлер рөлді күрт бұрып, жол жиегіне қарай бұрған, алайда көлік басқарудан шығып, қиыршық тасты жол шетінде сырғып, қарсы бағытқа шығып кеткен. Содан кейін жоғары жылдамдықпен ағашқа соғылған.

Соққы өте ауыр болғандықтан полиция қызметкерінің екеуі де оқиға орнында көз жұмды. Оларды аман алып қалу мүмкін болмады.

Айта кетейік, осы жылдың ақпан айында да Алматы – Ташкент тас жолының 203-шақырымында, Қордай маңында болған жол апатына патрульдік көлікпен болған жол-көлік оқиғасы кезінде бір полицей қаза тапқан болатын.

Өткен айда Атбасарда жеңіл көлік 4 адамды қағып  кетті.

Былтыр  Ақмола облыстық полиция департаменті көлікті басқарған  полицей екі жаяу жүргіншіні қағып кеткенін хабарлады.

Биылғы мамыр айында Алматы облысында қыз алып қашқан көлік жол апатына ұшырап, қалыңдық көз жұмды.

Сәуір айында Ақмола облысында балалар футбол командасы бар автобус аударылып, жаттықтырушы қаза тапты. Сонымен қатар Қарағанды ​​полиция басшысының орынбасары  жол апатынан қаза тапты.