Жерді шетелдіктерге сатуға тыйым салатын заң мақұлданды

Мәжіліс депутаттары шетелдіктерге және шетелдік компанияларға ауылшаруашылық жерлерін беруге толық тыйым салуды көздейтін жер қатынастары туралы заң жобасын бірінші оқылымда мақұлдады.

Бұл туралы Orda.kz хабарлады.

– Бүгінгі күні ұсынылған заң жобасы шетелдіктерге және шетелдік компанияларға, шетелдік қатысатын қазақстандық компанияларға, азаматтығы жоқ адамдарға, шетелдіктер қатысатын ғылыми орталықтарға ауылшаруашылық жерлерін беруге толық тыйым салуды көздейді.

онымен қатар, заң жобасында шетелдіктердің бұрын жалға алған ауылшаруашылық жерлерін пайдалану мерзімдерін ұзарту мүмкін емес. Жер пайдалану мерзімі аяқталғанға дейін ғана иелікте болады. Қандас жеке қосалқы шаруашылық жүргізу, бау-бақша өсіру және саяжай құрылысы үшін жер учаскесін ала алады, ал ауылшаруашылық жерлері тек Қазақстан азаматтығын алғаннан кейін ғана жалға берілуі мүмкін, - деді Ауыл шаруашылығы министрі Сапархан Омаров.

Оның айтуынша, ауылшаруашылық жерлерін өтініш берушілер Қазақстан азаматтығын алғаннан кейін ғана жалға ала алады. Заң жобасы Жер кодексіне және үш заңға, соның ішінде «Көші-қон туралы» заңға өзгертулер енгізеді.

Жер қатынастары туралы заң жобасының бастамашысы Президент Қасым-Жомарт Тоқаев болды. Ол қазақстандық жерді шетелдіктерге сатуға болады деген қауесетті тоқтату үшін бұл заңды шұғыл дайындауды тапсырды. 12 наурызда Мемлекет басшысы заң жобасын Мәжіліске жіберді.