Maxi шай курьерлері жалақының төмендігі мен басшылық қысымы туралы мәлімдеді

17 мамыр 2026 10:03 Ләззат Сұңқар

Фото: Galanz bottlers

Maxi шай курьерлері жалақының төмендігін айтып, оны көтеруді талап етіп, басшылық қысым жасап жатқаны туралы мәлімдеме жасады, деп хабарлайды Orda.kz.

Жеткізу қызметі қызметкерлері компания басшылығына жалақыны көтеру және еңбек жағдайларын жақсарту талабымен ашық түрде үндеу жасағанын Todayinfo.kz мәлімдеді.

2026 жылғы 15 мамырда әлеуметтік желілерде қызметкерлердің үндеуі тарады. Онда олар жұмыс көлемі көп болғанына қарамастан, нарықтағы орташа деңгейден төмен жалақы алып отырғандарын айтқан.

«Жалақыны көтеру және еңбек жағдайларын жақсарту туралы өтінішімізге құлақ асуларыңызды сұраймыз. Жеткізу саласында біз ұқсас компаниялармен салыстырғанда жұмыс көлемі көп болса да, орташа деңгейден төмен жалақы аламыз», — дейді үндеу жасаған жігіттер.

Қызметкерлердің сөзінше, басшылық олардың өтініштерін елемей, «не жұмыстан кетіңдер, не осындай жағдайда жұмыс істей беріңдер» деген талап қойған.

Сондай-ақ курьерлер жұмыстан шығарылған жағдайда оларды «бап бойынша» жұмыстан қуып, табыстың негізгі бөлігі болатын сыйақы төлемдерін бермейміз деп қорқытқанын мәлімдеді.

Бұл жағдай әлеуметтік желіде қызу талқыланып жатыр. Қолданушылар кеңінен таратып жатқан бейненің астына пікір жазып, әртүрі ой айтылып жатыр.

«Қызметкерлердің жалақысы есебінен пәтер сыйлайсыздар ма?» деп жазды пікір қалдырушылардың бірі.

Компания иелерінің қымбат сыйлық таратып, былтыр 100 пәтер, биыл 50 пәтер уәде еткеніне қатысты айтылған пікірлер де бар.

View this post on Instagram

Айта кету керек, Maxi шай Қазақстандағы ең танымал сусын брендтерінің бірі. Оның негізгі иесі Тұрсынғали Алагөзов, ал компания GALANZ bottlers деп аталады.

Мақала жарияланған сәтке дейін Maxi шай компаниясынан, сондай-ақ Тұрсынғали Алагөзов пен Баян Алагөзовадан ресми пікір болған жоқ.

Оқи отырыңыз:

Жаңалықтар

барлық жаңалықтар