Елімізде жасанды жаңбыр жаудыру қолға алынады

Түркістанда жауын-шашынды жасанды түрде көбейту жобасының салтанатты іске қосу рәсімі өтті, деп хабарлайды Orda.kz.       

Жасанды жаңбыр технологияларын тәжірибеде қолдануға көшкен аймақтағы алғашқы ел — Қазақстан болды, деп хабарлады жасанды интеллект және цифрлық даму министрлігі.

Жоба су қоймаларының толу деңгейін арттыруға және елдің оңтүстігіндегі ауыл шаруашылығы аумақтарын су ресурстарымен қамтамасыз етуге бағытталған. Ол Біріккен Араб Әмірліктерінің Ұлттық метеорология орталығымен бірлесіп жүзеге асырылуда.

Бұл технологиялардың әсер ету аумағы жергілікті сипатқа ие, радиусы 5 шақырымнан аспайды және ірі ауқымды ауа райы құбылыстарының қалыптасуымен байланысты емес.

Жобаның ықтимал экономикалық тиімділігі жылына 35 миллиард теңгеге дейін бағаланып отыр.

Оқи отырыңыз:

• Маңғыстау облысында қатты нөсер мен дауылдан үйлерді су алып, шатырлар ұшты
• Алматыдағы иесіз электр желілері коммуналдық меншікке өтеді
• Елімізде биыл алғашқы тоқсанда 77 трансплантация жасалды