Жер сілкінісіне байланысты Шерзаттың соты уақытша тоқтатылды

Трагедияға айналған Шерзат Полаттың өліміне қатысты сот отырысы Талдықорғанда өтіп жатқан еді. Алайда бүгін Талдықорғанда жер сілкінісі болып, сот уақытша тоқтатылды, деп хабарлайды Orda.kz.

23 мамыр күні Жетісу облысы Талдықорған қаласында өтіп жатқан Шерзат Полаттың өліміне қатысты сот уақытша тоқтатылды. Аяқ астынан жер сілкініп, отырысты тоқтатуға тура келді.

«ҚР ТЖМ «Сейсмологиялық зерттеу институты» ЖШС сейсмикалық станциялар желісі 2025 жылғы 23 мамырда Астана уақытымен 16 сағат 01 мин жер сілкінісі тіркелді. Жер сілкінісінің ошағы Қазақстан шекарасында Талдықорған қаласынан солтүстікке қарай 12 шақырым жерде орналасқан», деп хабарлады ТЖМ.

Айта кетейік, Талдықорғандағы сот отырыстарына Orda.kz тілшісі қатысып, тікелей ақпарат таратып отыр. Бүгін сарапшылар дер кезінде медициналық көмек көрсеткенде Шерзатты аман алып қалуға болатынын айтты.

Еске сала кетейік, Шерзат Полаттың өліміне қатысты іс бойынша кезекті сот отырысынан кейін марқұмның әкесінің атынан адвокат Мейірман Шекеев Талдықорған қаласының полициясына ресми арыз түсірген еді.