Желіде «Орданың» бас редакторының қайтыс болғаны туралы жалған мәліметтер тарап жатыр

26 желтоқсан күні редакция қызметкерлері кезекті спам-шабуылға ұшырады. Гүлнәр Бажкенованың қайтыс болғаны туралы хабарламаны тек журналистер ғана емес, басылымның оқырмандары да алып үлгерді, деп хабарлайды Orda.kz.

Айтпақшы, жалған ақпарат толы осындай «акциялар» толқыны биылғы жылдың маусым айында болған еді.

Біз тек ресми ақпаратқа ғана сенуді және күмәнді сілтемелер бойынша өтпеуге шақырамыз.

Соңғы апталарда «Орда» редакциясына не болып жатқанын біз бұрын жазғанбыз. Алматы және Астана кеңселеріндегі тінтулер, Гүлнәр Бажкенованың үйқамаққа алынғаны, кибершабуылдар, редакцияға төнген қауіп және қысым туралы біздің өз материалдарымызан оқығандарыңыз жөн. 

Қыркүйек айында Orda.kz-ке жаппай ақпараттық шабуыл жасалып, боттар мыңдаған түсініктемелер жазып, айыптап және қорлаған жазбалар пайда болды. Әлеуметтік желілерде жалған аккаунттар пайда болып, олар «Орда» атынан әлдебір мәлімдемелер жариялап, шабуылды үдете түсті.