Желіде АИТВ індетін жұқтырғандардың тізімі шықты: Алматы полициясы тексеріп жатыр

Желіде АИТВ індетін жұқтырғандардың тізімін колледждердің бірінің студенттері жариялады, деп хабарлайды Orda.kz Qumash басылымына сілтеме жасап.

Сәуірдің 3-і күні Алматының медициналық колледждерінің бірінің студенттері АИТВ сынағы бар құжаттарды желіде жариялағаны белгілі болды. Ақпараттың қай оқу орнынан шығып кеткені көрсетілмеген. Жарияланған скриншоттарда тек зерттеу тобының индексі - Z-FZ бар.

Бұл оқиғаға қатысты Алматы полиция департаменті былай деп түсіндірді:

«Аталған факті бойынша Алматы қалалық ІІД тергеу жүргізіп жатыр, оның анықтығы мен мәліметтердың нақтылығы анықталып, нәтижесінде Қазақстан Республикасының заңнамасына сәйкес шаралар қабылданады».

Бір жыл бұрын Алматыда «қыздар тізімі» деп аталатын осындай жанжал шығып, ҚазҰУ студенттерінің медициналық деректері бар құжат желіде таралып кетті. 

Әл-Фараби атындағы Қазақ ұлттық университетінде оқитын студенттердің жеке деректеріне қатысты Мәдениет және ақпарат министрі Аида Балаева пікір білдірді. 

Сол кезде Қазақстанның денсаулық сақтау вице-министрі Вячеслав Дудник дәрігерлер жас қыздардың «пәктігі» туралы білуі маңызды екенін мәлімдеп, министрлікте пікір екіге жарылды.

2024 жылдың тамызында ақпаратқа жауапты университет қызметкерлері жұмыстан босатылғаны белгілі болды.