«Дәрігерлер қыздардың пәк немесе пәк емес екенін білуі керек»: – министрлікте пікір екіге жарылды

Қазақстанның денсаулық сақтау вице-министрі Вячеслав Дудник дәрігерлер жас қазақстандықтардың "пәктік" мәртебесі туралы білуі маңызды екенін мәлімдеді, деп хабарлайды Orda.kz порталы.

Вице-министрдің бұл пікірі денсаулық сақтау министрі Ақмарал Әлназарованың пайымына қарсы. ҚазҰУ-дың «пәк қыздар» тізімі жарияланып, жанжал туғаннан кейін министр ведомстводағы қажетсіз тізімдерді, оның ішінде қазақстандықтардың интимдік статусын сұраудан бас тартуға ниетті екенін мәлімдеген.

Вице-министрдің айтуынша, медициналық деректерді үшінші тұлғаларға беруге болмайды. 

«Егер студенттердің гастрит, уролития туралы басқа диагнозы жайлы ақпарат тараса, мұндай сұрақтар туындар ма еді? Дербес деректерді сақтау туралы заң бар. Бірақ тексеруден өту стандарты да бар. Әйел тексеруге келсе, ол "вирго ма", жоқ па - тексерудің де әр түрі болады. Егер әйел жыныстық өмір сүрсе, флораға, жыныстық инфекцияларға талдау жасап, контрацепция әдістерін талқылау керек. Бұл дәрігердің құзыретіне кіреді. Дәрігер пациенттің амбулаториялық картасына жазып, тіркеуі тиіс. Бұл ақпарат жинаудың стандартты процедурасы», - деді Дудник. 

Вице-министр дәрігерлер сондай-ақ жыныстық жолмен берілетін аурулармен, туберкулезбен, онкологиямен ауыратындардың тізімін жүргізетінін айтты. Бұл ер азаматтар үшін де маңызды.

«Сіз бізге бұл деректерді жинамауды, тексермеуді ұсынасыз ба? Біз суперақпараттандыру кезеңінде өмір сүріп жатырмыз және бұл мәліметтерді дербес деректер туралы заң бойынша жақсы қорғау қажет», - деп нақтылады Дудник.

Ол сондай-ақ денсаулық сақтау министрлігі «пәк қыздардың» тізімін жалпы чатқа «біріктірген» медбикенің болашақ тағдыры туралы білмейтінін айта кетті.

Бұған дейін Қазақстан Ішкі істер министрінің орынбасары Игорь Лепеха «пәк қыздар» тізімінің жариялану жағдайында дербес деректер туралы заң бұзылған деп мәлімдеді. Ол зардап шеккен студенттердің өтініш жазуына немесе жазбауына қарамастан қылмыстық жауапкершілікті қарастырылатынын жеткізді.