Жасөспірімдер арасындағы Қазақстан чемпионаты матчында жаппай төбелес болды

Қазақстан футбол федерациясы жаппай төбелеске қатысқандарды өмір бойы дисквалификациялауды қарастырады, деп хабарлайды Orda.kz.

Футболдан Қазақстан чемпионатының жасөспірімдер арасындағы ойыны ойыншылар арасындағы жаппай жұдырықтасумен аяқталды. Салдарынан төреші ойынды мерзімінен бұрын тоқтатты. 

Оқиға «Тұран» мен «Екібастұз» (2011 жылы туылған ойыншылар) командаларының Шымкенттегі кездесуінің 70-ші минутында болды, ойын «Екібастұз» пайдасына 1:0 есебімен аяқталды.

Алдымен «Тұран» ойыншыларының бірі қарсыласының айып алаңына құлады. Осыдан кейін қақтығыс басталды. Кадрларда ойыншының қарсыласын секіріп теуіп, содан кейін жұдырық ала жүгіргені көрінеді. Жаппай қақтығыс болды: жасөспірімдер бір-бірін көгалға құлатып, боқтап, бір-бірін тепкілей бастады. Тек жаттықтырушылардың араласуынан кейін ғана төреші «Тұран» командасына үш қызыл карточка, «Екібастұзға» екеуін көрсетіп, ойынды тоқтатты.

Қазақстан футбол федерациясы (ҚФФ) болған оқиғаны қатаң айыптап, оны «спорттық әдеп пен адами нормаларды өрескел бұзу» деп атады.

«Футбол - бұл құрметке, адал бәсекелестікке және Fair Play қағидаттарына негізделген ойын. Мұндай әрекеттер спорт құндылықтарымен үйлеспейді» деп жазылған хабарламада. 

Бейнежазбалар мен хаттамалар ҚКФ Бақылау-тәртіптік және этикалық комитетіне берілді. Отырыс келесі аптада өтеді. Федерация осыған қатысы бар адамдарға  қатаң шара қабылдауға уәде берді, соның ішінде өмір бойы дисквалификациялау мүмкіндігі де бар.

Жақында Ақтау қаласының 16- ықшамауданнында  бір топ жасөспірім өздерімен қатар баланы соққыға жығып кетті. Әлеуметтік желіде бейнежазба таралып, қызу талқыға түсті.