Жапонияда Отаке жанартауы оянды

28 желтоқсанда Суванозе аралында жергілікті уақыт бойынша 02:48-де Отаке жанартауының атқылауы басталды, деп хабарлайды Жапония метеорологиялық агенттігі.

Билік жанартау қауіптілігін бес баллдық шкала бойынша екіншіден үшіншіге көтерді. Мамандар тұрғындарға атқылау аймағында ірі жыныстардың құлау мүмкіндігі туралы ескертті. Күлі жанартаудың үстіне жайылып, ыстық тас кесектері оңтүстік-шығысқа қарай 1,3 километрге дейін лақтырылды.

Суваноз аралындағы тұрғын аудандар кратерден төрт шақырымдай жерде орналасқан. Билік өкілдерінің айтуынша, онда 81 тұрғын тұрады. Халыққа тау бөктеріне жақындауға тыйым салынды. Зардап шеккендер туралы ақпарат жоқ.