Румынияда әйелдерді өлтіргендер өмір бойына бас бостандығынан айырылады

Румынияда әйелдерді өлтіргені үшін өмір бойы бас бостандығынан айыру жазасы енгізілді, деп хабарлайды Orda.kz РБК-ға сілтеме жасап. 

Енді Румыния заңнамасы әйелді қасақана өлтіруді гендерлік зорлық-зомбылықтың жеке түрі ретінде ресми түрде мойындайды.

Жаңа нормалар бойынша жаза 15 жылдан 25 жылға дейін бас бостандығынан айыру немесе өмір бойына түрме жазасын қарастырады. Сонымен қатар, қаза тапқан әйелдердің балаларына тікелей зардап шеккендер мәртебесі беріліп, оларға жедел көмек көрсету құқығы қарастырылған.

Заң жобасы 2025 жылдың қазан айында парламентке енгізілді. Румыния сенаты оны ақпанда қабылдаса, депутаттар палатасы наурызда мақұлдады. Құжат кең қолдауға ие болды. Оған барлық саяси партиялардан 270-тен астам депутат қол қойған. 23 сәуірде Румыния президенті заңды қабылдау туралы жарлыққа қол қойды.

Түсіндірме жазбада жазаны күшейту қажеттілігі отбасылық қылмыстардың өсуімен байланысты екені айтылған. Мәселен, 2025 жылдың сегіз айында елде отбасы мүшелері жасаған 33 кісі өлтіру дерегі тіркелген, олардың 69%-ында құрбандар әйелдер мен қыздар болған. Орта есеппен Румынияда ай сайын туыстарының қолынан үш әйел қаза табады.

Оқи отырыңыз:

• Депутат Базарбек эмоциясын тежей алмай, «Болашақ» жүйесін қатаң сынға алды
• Қазақстанның жоғары білім саласында миллиардтаған шығын анықталды
• Мәжілісте түлектерді жұмыспен қамту туралы мәлімет сынға ұшырады