Мәжілісте түлектерді жұмыспен қамту туралы мәлімет сынға ұшырады
Фото: culture.ru
Мәжіліс отырысында түлектерді жұмыспен қамту деректерінің нақтылығы мәселесі көтерілді. Депутат Үнзила Шапақ ресми түрде көрсетіліп жүрген 75% жұмыспен қамту деңгейі шынайы жағдайды толық көрсетпейтінін мәлімдеді, деп хабарлайды Orda.kz.
Оның айтуынша, бұл көрсеткіш түлектердің өз мамандығы бойынша жұмыс істеп жүргенін білдірмейді.Сонымен қатар, қазіргі есептеу тәсілі формалды сипатта екенін атап өтті. Себебі ол тек зейнетақы жарналарының аударылуына негізделген, ал бұл түлектің қай мамандық бойынша жұмыс істеп жүргенін анықтауға мүмкіндік бермейді.
«Министрлікте түлектердің нақты қай жерде, қандай қызметте жұмыс істейтіні туралы толық ақпарат жоқ», — деді депутат.
Ғылым және жоғары білім министрі Саясат Нұрбек бұндай мәселенің бар екенін мойындады. Оның сөзінше, жұмыспен қамту статистикасының моделі өзгеруді қажет етеді.
«Кей жағдайларда бізде толық картина жоқ — түлектің қай салада, қай мамандық бойынша, қандай бағытта және қандай деңгейде жұмыс істеп жүргені белгісіз болуы мүмкін», — деді министр.
Ол мұндай мәліметтердің жоғары оқу орындары үшін аса маңызды екенін атап өтті. Министрдің айтуынша, шетелде университеттер түлектермен және жұмыс берушілермен тығыз байланыс орнатады. Қазақстанда да бұл бағытта жұмыс басталған.
Атап айтқанда, жоғары білім беру платформасы мен «Еңбек.kz» жүйесін цифрлық форматта біріктіру көзделіп отыр. Бұл деректерді біріктіріп, еңбек нарығын талдауды жақсартуға мүмкіндік береді, алайда әдіснаманы жетілдіру қажет.
Еңбек және халықты әлеуметтік қорғау вице-министрі Бақтияр Жазықбаев қазіргі таңда белгілі бір мониторинг құралдары бар екенін жеткізді. Оның айтуынша, министрліктің ақпараттық жүйелерінде жұмыспен қамтылған азаматтарды экономикалық қызмет түрлері бойынша есепке алу мүмкіндігі қарастырылған. Бірыңғай еңбек шарттарын есепке алу жүйесінде 6 миллионға жуық азаматтың еңбек шарты тіркелген. Ұлттық кәсіптер жіктеуіші негізінде олардың қандай жұмыспен айналысатынын көруге болады.
Оқи отырыңыз:
Жаңалықтар
- Қылмыстық амнистия: 16,5 мың адамның төрт мыңнан астамы қылмыстық жауапкершіліктен толық босатылады
- Мәскеу соты Мәсімовтің бұрынғы күйеу баласына халықаралық іздеу жариялады
- Бибісара Асаубаева Спорт министрлігінің жауабына наразы болып, Тоқаевтың бағытын еске салды
- «Бұл – отбасылық мәселе»: Министрлік сәбиін қолына ұстап курьер болып жүрген анаға қатысты пікір білдіруден бас тартты
- Бір палаталы парламентке көшу: Тоқаев екі маңызды заңға қол қойды
- Әскерде сарбаздарға психологиялық бейімделуге екі апта уақыт беріледі
- Үйіндегі шкафта есірткі өсірген балшы ұсталды
- Италияда қазақстандық студенттің мәйіті табылды
- Қазақстанда Ауғанстанға көмек көрсететін БҰҰ өңірлік орталығы ашылады
- ҚазТАГ агенттігі басшыларына қатысты сот процесі неге кейінге шегерілді?
- Қазнет іздеген курьер-ана табылды
- АҚШ шабуылынан кейін: Иран Иордания, Кувейт және Бахрейндегі америкалық базаларға соққы жасады
- Қазақстандықтарға банк қосымшалары арқылы салық органдарынан хабарлама келуі мүмкін
- Үш ел Израиль-Палестина бейбітшілігін қолдауға арналған арнайы қор құрды
- Қытайдың оңтүстігінде болған жарылыс салдарынан 7 адам қаза тапты
- АҚШ Иран аумағындағы нысандарға жаңа соққылар жасай бастады
- Шахматшы Бибісараға қатысты дауға министрлік жауап берді
- Тоқаев АҚШ президентінің арнайы өкілі Серджио Горды қабылдады
- Қазақстандық шахматшы Бибісара Асаубаева президенттен көмек сұрады
- Парсы шығанағы елдері Иранның Иордания, Кувейт және Бахрейнге жасаған шабуылдарын айыптады
