Жаңа жыл түні ІІМ-ге 11 мыңнан астам қоңырау шалынды

Қазақстан полициясы өткен түні ел тұрғындарының 11 мыңнан астам өтінішін өңдеген. Ең бастысы ауыр қылмыс тіркелмеген, деп хабарлайды Orda.kz ІІМ-ге сілтеме жасай отырып.

Polisia.kz ІІМ медиа порталының мәліметінше, ішкі істер органдары қызметкерлері жылдағыдай күшейтілген режимде қызмет атқарған. Жаңа жыл түні елеулі оқиғаларсыз өтіп, көшелер мен қоғамдық орындарда ауыр және аса ауыр қылмыс болған жоқ.

31 желтоқсанда таңертеңнен 1 қаңтарда таңертеңгіге дейін полицияның шұғыл шақыру пультіне 11 448 шағым  түскен, оның ішінде 3 082 - түнгі уақытта.

«Көптеген қоңырау анықтамалық сипатта болды. Азаматтар петардаларды пайдалану, мұз айдындары мен жаңа жылдық шыршалардың орналасуын нақтылау, сырғанақта жоғалғандар туралы, сондай-ақ, қалдырылған автокөліктер мен жолға шығудың қиындығына байланысты проблемалар туралы хабарласты.
 
Барлық келіп түскен өтініштерге полиция қызметкерлері жауап беріп, қолданыстағы заңнама шеңберінде қажетті шаралар қабылдады. Қабылданған шаралардың арқасында мерекелік іс-шаралар ұйымдастырылды. Көшелер мен қоғамдық орындарда заң мен тәртіп толық көлемде қамтамасыз етілді» деп жазылған ІІМ хабарламасында.

Айта кетсек, еліміздің оңтүстігінде  жаңа жыл түні Тараз мейрамханасынан жүздеген адам эвакуацияланды.