Жаңа жыл түні Тараз мейрамханасынан жүздеген адам эвакуацияланды

Өрт жанар-жағар май құю стансасына тарауы мүмкін еді, деп хабарлайды Orda.kz.

Таразда жаңа жыл түні Жамбыл даңғылындағы мейрамханадан өрт шықты. Екі қабатты ғимаратқа жапсарлас салынып жатқан жазғы құрылыс алаңы өртеніп кетті. Мейрамханадан 100-ге жуық адам эвакуацияланды. Құтқарушылар негізгі ғимаратқа және жақын орналасқан автожанармай құю станциясына өрттің таралуына жол бермеді.

Өрт шамамен 300 шаршы метр алаңда сөндірілді. Зардап шеккендер жоқ. Өрттің себебі анықталады.

«Өрт сөндірушілер өртті тез арада тоқтатып, оның мейрамхананың негізгі ғимаратына, сондай-ақ жақын маңдағы ЖҚС-қа таралуына жол бермеді», деп хабарлады Тараз қаласының ТЖД.
  

Жаңа жыл қарсаңында Таразда бес қабатты тұрғын үйде тағы бір ірі өрт болды. Онда бесінші қабаттың төбесі мен балконы өртеніп, ғимараттан 100-ге жуық адам, оның ішінде 30 бала эвакуацияланды. Өрт алдын ала 900 шаршы метр алаңда сөндірілді, зардап шеккендер жоқ.

Мемлекет басшысы халыққа арнаған сөзінде өтіп бара жатқан жылдың қорытындыларын атап өтіп, ел дамуына қосқан еңбегі мен үлесі үшін азаматтарға алғыс айтты.