Жаңа жаттықтырушы еліміздің футбол құрамасын жеңіске жеткізетініне сенімді

ҚР футбол құрамасына жаңадан тағайындалған бас бапкер Әли Әлиев Астанада өзінің алғашқы баспасөз конференциясын өткізді, деп хабарлайды Orda.kz. 

Әли Әлиевтің айтуынша, енді еліміздің дарынды жастарына баса назар аударылады. Алдағы уақытта құрама ойын тәртібін өзгертіп, шабуылды ойынға көшеді. 

«Арнайы жүгіретін, допты алатын ойыншылар болады. Олар қарсыласқа ыңғайсыз жағдай жасауы керек. Бізде жақсы нәтижеге жетуге мүмкіндік бар. Біз нағыз ойнай алатын жігіттерді көріп жүрміз. Алдымен біз қарсыластарымыздың психологиялық тұрғыдан қалай ойнайтынын көруіміз керек. Біз қарсыластың ойынын бұзатын агрессивті футболды қолдаймыз», - деді жаңа жаттықтырушы.

Ол ұлттық құраманың 2026 жылғы әлем чемпионатына шығу мүмкіндігіне баға берді.

«Ынталандыру міндетті түрде болуы керек. Нәтижеге жету үшін біршама ыңғайсыздықты бастан кешуге тура келеді. Біздің іріктеу тобында күш бар. Ешқашан құраманы жаман деп бағалауға болмайды.  Біздің физикалық дайындығымыз жақсы, ең бастысы-мотивация», - деді ол. 

Қазақстан құрамасы 2026 жылғы әлем чемпионатына іріктеуде J тобына кірді. Қазақстан құрамасы Бельгия, Уэльс, Солтүстік Македония және Лихтенштейнге қарсы ойнайды.