Илон Маск аяқ-асты ChatGPT әзірлеушісіне қарсы шағымын қайтып алды

Америкалық кәсіпкер Илон Маск ChatGPT әзірлеушісі OpenAI мен оның бас директоры Сэм Альтманға қарсы сот ісін тоқтатты.

Бұл туралы The Guardian басылымы хабарлады.

Естеріңізге сала кетейік, Маск ақпан айында Альтманға қарсы сотқа шағым түсірген болатын. 

Маск пен Альтман 2015 жылы OpenAI негізін қалады. Алайда, компанияны басқару ісін қолға алғысы келген Маск Альтманмен келісе алмай, жобаны ары қарай қомақты қаржымен қаржыландырудан бас тартып компаниядан кетеді. 

Масктың шағымында, Альтман мен OpenAI компаниясы адамзат игілігі үшін жұмыс істеу туралы «құрылтай келісімін» бұзды делінген. Оның сөзінше, Мicrosoft корпорациясымен серіктес болып, компанияны коммерциялық ұйымға айналдыру, сондай-ақ, технологияларды көпшілікке жария етпеу — келісімді бұзады.

Ал OpenAI мен Альтман «құрылтай келісімін» ешқашан жасамағанын айтты. Сонымен қатар Масктың компанияны коммерциялық бағытқа көшіру идеясын қолдайтын мәлімдеді. Осы жылдың наурыз айында OpenAI мен Альтман Масктың әрекетін «көреалмаушылық» деп айыптаған жазба жариялады.