Жамбыл облысының тұрғыны көмекке келген фельдшердің кеудесіне оқ атты

Жамбыл облысы Байзақ аудандық ауруханасында 25 жастағы ер адам 27 жастағы фельдшерге травматикалық қарудан оқ атты, деп хабарлайды Orda.kz.

Күдікті мен фельдшер арасындағы жанжал медициналық құрылғы — дефибрилляторға байланысты туындаған. Фельдшер құрылғыны қолдануға болмайтынын, оның қауіпті екенін түсіндірмек болған. Алайда дау ушыққан сәтте күдікті травматикалық қарумен оқ атқан.

«Науқастың диагнозы – сол жақ кеуденің алдыңғы қабырғасына тиген оқ жарақаты. Ішкі ағзалары зақымданбаған. Жағдайы тұрақты, орташа ауыр. Қазір пациент динамикалық бақылауда», — деп мәлімдеді облыстық денсаулық сақтау басқармасы.

Жамбыл облыстық полиция департаменті бұл жайтқа байланысты ҚР Қылмыстық кодексінің 293-бабының 3-бөлігі (Қаруды қолдану арқылы жасалған бұзақылық) бойынша қылмыстық іс тіркелгенін хабарлады.

«Қазіргі уақытта полиция оқиғаның мән-жайын жан-жақты әрі объективті зерттеуге бағытталған тергеу амалдарын жүргізіп жатыр. Тергеу нәтижесінде процессуалдық шешім қабылданады», — деп мәлімдеді полиция.

Аталған бап бойынша кінәлі деп танылған адам 5 жылдан 7 жылға дейін бас бостандығынан айырылуы мүмкін.

Еске сала кетейік, 9 шілде күні Алматының Алмалы аудандық соты 13 адамның мүрдесі шыққан Almaty Hostel-ге қатысты сот үкімі шықты үкім шығарды.