Жамбыл облысы полиция бастығының экс-орынбасары екі айға тергеу абақтысына қамалды

Полиция департаменті бастығының орынбасары Жайдарбек Құттыбаев екі айға қамауға алынды (29 тамызда ол қызметтен босатылды). Оны алаяқтық жасады деп айыптайды. Полиция қызметкері бұлтартпау шарасы туралы естігенде  ауырып қалды, деп хабарлайды Orda.kz тілшісі.

Жақында Жамбыл облысы полиция департаменті бастығының орынбасары  Жайдарбек Құттыбаев ұсталды. Сот залында бұлтартпау шарасы жарияланғаннан кейін Жайдарбек Құттыбаевтың қан қысымы көтеріліп, оны жедел жәрдеммен ауруханаға жеткізді. 

Сондай-ақ, Жамбыл облысы полиция департаменті экстремизмге қарсы іс-қимыл басқармасы бастығының орынбасары полковник Оразалы Құдабаев пара алған деп айыпталып, екі айға қамауға алынды.

Біздің ақпаратымыз бойынша, полиция департаменті бастығының тағы бір орынбасары күш құрылымдарының назарында. Тергеу жүргізілуде.

Бұған дейін біз Жамбыл облысы полиция департаментінің бастығы Бақытжан Малыбаев аймақтағы полицияда болған шулы ұстаулардан кейін отставкаға кететіні туралы арыз бергенін жазғанбыз.

Мамыр айында Жамбыл облысында Сарысу аудандық полиция бөлімі бастығының орынбасары ұсталды. Подполковник Қанат Н. пара алды деген күдікке ілінді.

Былтыр  TikTok желісіне мониторинг жасау барысында Т.Рысқұлов ауданында үйлену тойында "кортеж" ұйымдастырылып, жол ережесін өрескел бұзған жастар тобы анықталды. 

Шілде айында Жамбыл облысы Байзақ аудандық ауруханасында 25 жастағы ер адам 27 жастағы көмекке келген  фельдшердің кеудесіне травматикалық қарудан оқ атты.