Жалған жұмысқа орналастырған: Ақтауда жүкті әйелдердің әлеуметтік төлемін заңсыз өсірген есепші сотталды

Ақтау қаласында жүкті әйелдерді жалған жұмысқа орналастырған бухгалтерге сот үкімі шықты, деп хабарлайды Orda.kz. 

ҚМА мәліметінше, бухгалтер өзінің кәсіби білімін пайдаланып, жүкті әйелдерді қолдауға арналған мемлекеттік әлеуметтік төлемдерді заңсыз алу схемасын ұйымдастырған. Ол Instagram желісінде өзін жәрдемақы көлемін арттыруға көмектесетін маман ретінде таныстырған. Алаяқтықты іске асыру үшін туыстары мен таныстарының атына нақты қызмет жүргізбеген бірнеше жеке кәсіпкер тіркелген. Есепші жалған жұмысқа қабылдау туралы бұйрықтарды, еңбек шарттары және өзге де бухгалтерлік құжаттар дайындаған.

Осы жалған мәліметтер негізінде уәкілетті органдар жәрдемақыларды негізсіз жоғары мөлшерде тағайындаған. Нәтижесінде мемлекетке 146 млн теңге көлемінде залал келтірілген. 

Сот үкімімен бухгалтер 5 жылға бас бостандығынан айырылды.

Оқи отырыңыз:

• Ақтөбеде жүкті әйелді ауруханаға апара жатқан жедел жәрдем көлігі апатқа ұшырады
• 15 жастағы қызды жүкті қылған 71 жастағы туысының ісін жылы жапқан полицейлер тексерілуде
• 15 жастағы қазақстандық футболшы «Барселонамен» келісімшартқа қол қойды