Ақтөбеде жүкті әйелді ауруханаға апара жатқан жедел жәрдем көлігі апатқа ұшырады

Ақтөбеде жүктілігіне 39 апта болған әйелді медициналық мекемеге алып бара жатқан жедел жәрдем көлігі апатқа ұшырап, аударылып қалды, деп хабарлайды Orda.kz.

«Диапазон» мәліметіне сәйкес, оқиға «Дина» гипермаркеті маңында болған. Мәліметке сәйкес, Toyota жеңіл көлігі мен жедел жәрдем автокөлігі соқтығысқан. Соққының қатты болғаны соншалық, медициналық көлік төңкеріліп қалған.

Дәрігерлер мәліметінше, әйел жабық бас-ми жарақатын алып, миы шайқалған. Оны шұғыл түрде Ақтөбе облыстық көпсалалы ауруханасына жеткізген. Қазір науқас толық тексерістен өтіп жатыр, жағдайын мамандар тұрақты бақылауда ұстап отыр.

Ал жедел жәрдем қызметкерлері ауыр жарақат алмаған. Облыстық денсаулық сақтау басқармасы дерегіне сай, фельдшерлердің жағдайы қанағаттанарлық, олар дәрігерлердің бақылауында.

Оқи отырыңыз:

• Ақтөбе облысында 99 жасөспірім қыз жүкті болды