«Зейнеткер көз жұмды»: Ақтөбеде әжесі мен немересін көлік қағып кетті

Ақтөбеде жолды кесіп өтпек болған әжесі мен немересін көлік қағып кетті. 65 жастағы зейнеткер алған жарақаты салдарынан көз жұмды, деп хабарлайды Orda.kz. 

Қайғылы оқиға Ақтөбе қаласы Әлия Молдағұлова даңғылында болды.«Lada-21901» автокөлігінің жүргізушісі зейнеткер мен оның жанындағы немересін қағып кетті. Екеуі де дереу ауруханаға жеткізілгенімен, зейнеткер көз жұмды. Ал оқушы қыз ауруханада жатыр. 

Ақтөбе облыстық денсаулық сақтау басқармасы баспасөз қызметінің хабарлауынша, қыз жабық бас-ми жарақатын алған. Ол қазір облыстық көпбейінді балалар ауруханасының нейрохирургия бөлімінде ем қабылдап жатыр.

Айта кетейік, Түркістан облысында тауға шыққан туристердің бірі қаза тапты.