Түркістан облысында тауға шыққан туристердің бірі қаза тапты

Түркістан облысында 31 тамыз күні жоғалып кеткен туристердің бірі қаза тапты, деп хабарлайды Orda.kz. 

27 және 28 жастағы жігіттер Шымкенттен «Сайрам-Өгем» ұлттық табиғи паркіне қарай кетіп, қайта оралмады. Іздестіру жұмыстары жүргізіліп, құтқарушылар жоғалған туристің біріне хабарласты. Ал оның серігі — 1996 жылы туған Өзбекстан азаматы — шатқалға түсіп, қаза тапты. 

ТЖМ мәліметінше, құтқару жұмыстарына Қазақстан альпинизм федерациясының бес маманы да қосылған. Альпинистер тірі қалған турист пен қайтыс болған адамның денесін жерге түсірді. Марқұмның денесі полицияға тапсырылды.

Айта кетейік, тамыз айында Қырғызстандағы Жеңіс шыңында аяғын сындырып, тауда қалған ресейлік альпинист Наталья Наговицына қаза тапты.