Зайытов Арман Дүйсеновтің ұлының өлімі жайлы тың деректермен бөлісті

Мәжіліс депутаты Ринат Зайытов композитор Арман Дүйсеновтің ұлының суицид жасады дегенге күмәнмен қарайтынын мәлімдеді, деп хабарлайды Orda.kz. 

Зайытов Qazaq Airan-ға берген сұхбатында қоғамдағы көптеген мәселелерге тоқталып, композитор Арман Дүйсеновтің ұлының өліміне қатысты өз ойын білдірді. Оның айтуынша, бұл жағдайдың суицид екеніне күмән бар. Депутаттың пікірінше Дүйсеновтің ұлының өлімінде саяси астары болмағандықтан, бұл оқиға қоғамда кеңінен талқыланбай отыр.

«Тергеу материалдарымен түгел таныс емеспін. Бірақ бірінші келген тексеру актісін оқып шықтым. Ол жерде: «Асылған адамның екі қолы байлаулы» деп анық жазылған. Журналистер неге оны зерттемейді, неге шуламайды? Себебі бұл жайттан ешкім саясат жасап жатқан жоқ», – деді Зайытов.

Еске сала кетейік, өткен жылы  композитордың ұлы бақилық болғаны жайлы әлеуметтік желіде Баян Алагөзова мен Ләйлә Сұлтанқызы хабарлаған болатын.