Белгілі композитор Арман Дүйсеновтің ұлы қайтыс болды

Белгілі композитор Арман Дүйсеновтің ұлы қайтыс болды, деп хабарлайды Orda.kz.

Композитордың ұлы бақилық болғаны жайлы әлеуметік желіде Баян Алагөзова мен Ләйлә Сұлтанқызы айтқан болатын.

Алматы қалалық полиция департаменті ақпаратты растады.  

«Аталған дерек бойынша Бостандық аудандық полиция Басқармасы қылмыстық іс қозғады. Оқиғаның себебі мен мән-жайы анықталуда»,  деп мәлімдеді полиция департаментінің баспасөз қызметі.

Сонымен қатар, өзінің әлеуметтік желісінде Баян Мақсатқызы композитордың ұлы Абылайдың өзіне 10-12 күн бұрын хабарласқанын айтты.

«Бірнеше сағат бұрын мен суық хабар алдым. Менің жақын досым, атақты композитордың ұлы Абылайдың қайтыс болғанын естідім. Ол маған осыдан 10-12 күн бұрын хабарласып, 2 сағаттан соң бір телеарнада кейбір шоу-бизнес өкілдерінің қатысуымен әкемнің атына  тіл тигізетін бағдарлама шығады деп айтты. Мен Абылайға сен кеше маған хабарласқанда бағдарламаның шығуына жол бермес едім. Қазір бағдарламаның шығуына 2 сағат қалғанда бір нәрсе істеу қиын,  деп айттым», — дейді Алагөзова.

Сондай-ақ, Баян Мақсатқызы Абылайдың әкесі туралы айтқан әрбір сөзді жүрегіне жақын қабылдайтындығын, оны қатты жақсы көргенін айтты.

Еске сала кетейік,  белгілі композитор отандық шоу-бизнестегі көптеген танымал әндердің авторы Арман Дүйсенов 2023 жылы бақилық болды.