Қытайда «Тақтар ойыны» продюсері уланды

Yoozoo Games ойын студиясының негізін қалаушы және танымал «Тақтар ойыны» телехикаясының продюсері Лин Ци Қытайда қайтыс болды, деп хабарлайды ORDA Daily Mail-ге сілтеме жасап.

Хабарламада айтылғандай, бір апта бұрын Лин Ци әріптесімен уланып, Шанхайдағы ауруханаға жатқызылған. Дәрігерлер оның жағдайын тұрақтандырды деген мәліметтер болғанымен магнат қалпына келе алмады. Оның өлімін компания өкілдері растады.

Қазіргі уақытта басты күдікті ретінде Yoozoo тобының кино және теледидар бөлімінің 39 жастағы бастығы Сю Ляо қамауда отырғаны атап өтілді. Алдын ала нұсқа бойынша, уланудың себебі ер адамдар арасындағы жеке жанжал болуы мүмкін. Тергеу туралы жаңа мәліметтер ресми түрде жария етілмеген.

Yoozoo Group ойын продюсері Netflix-пен серіктес болып, бірқатар қытайлық фантастикалық кітап шығарған. Атап айтқанда, «Үш дене мәселесі» («Задача трех тел») сериясы фантаст жазушы Лю Циньиннің «Жер туралы өткенді еске түсіру» трилогиясының негізінде жасалған. 2020 жылдың қыркүйегінде шоу жұмысына «Тақтар ойынын» жасаушылары Дэвид Бениоф пен Дэниэл Вайссты әкелді.