«Ыстық тамақ пен сусын»: ҚБТУ-дағы өртке байланысты Алматы әкімдігі мәлімдеме жасады

Алматыда Қазақ-британ техникалық университетіндегі өртке байланысты Алматы әкімдігі мәлімдеме жасады, деп хабарлайды Orda.kz. 

Алматы әкімдігі ҚБТУ ғимаратындағы өртті жою үшін ТЖ қызметтеріне қажетті көмек қолын созды. Өрт болған жерде  Алматы қаласы әкімінің тиісті мәселеге жетекшілік ететін орынбасары Бейбіт Шаханов, сондай-ақ құрылымдық бөлімдердің басшылары  бар.

Алмалы ауданының әкімдігі өрт сөндірушілерге ыстық тамақ пен сусын ұйымдастырды.

Бұған дейін Қазақ-британ техникалық университетінде өрт шығып, жедел штаб құрылғанын хабарлаған едік.