«ҚБТУ-дағы өрт»: жедел штаб құрылды

Алматыда Қазақ-британ техникалық университетінде өрт шықты, деп хабарлайды Orda.kz. 

Өртті сөндіру жұмыстары жалғасып жатыр. Өртке үшінші дәреже берілді. 

Астана ҚБТУ ғимаратындағы өртті сөндіру үшін күштер мен құралдарды көбейтуді тапсырды. 

Өрт орнында жедел штаб құрылды. Қазақстан ТЖМ командалық орталығы өртті сөндіру құралдарын көбейтуді тапсырды. Оқиға орнында Алматы ТЖД 78 құтқарушысы мен 28 бірлік техникасы жұмыс істеп жатыр. Бұған дейін барлығы 59 адам және 16 техника жұмылдырылған еді. 

Өрт сөндірушілер ғимарат жобасының күрделі екенін айтып жатыр. Осы нысан осыдан 87 жыл бұрын яғни 1938 жылы тұрғызылған. Бірақ соғыс басталып, құрылыс толық бітпей, тек 1951 жылы қолданысқа берілген.

1980-жылдардың басына дейін бұл ғимарат үкімет үйі болды. Онда Қазақ КСР Жоғарғы Кеңесі, Министрлер Кеңесі және Коммунистік партияның Орталық комитеті орналасқан. 1991 жылы дәл осы ғимаратта Қазақстанның Тәуелсіздігі туралы заң қабылданған.