«26 турист мерт болды»: Үндістан мен Пәкістан шекарасында атыс болды

Үндістан мен Пәкістан шекарасында атыс болып, 26 турист қаза тапты, деп хабарлайды Orda.kz. 

Екі ел арасындағы атыс Кашмирде болған лаңкестік әрекеттен кейін басталған. Шабуылдан Пахалгам қаласында 26 турист қаза тапты. Олардың қатарында туристер, қарапайым халық та бар. Үндістан бұл оқиға үшін Пәкістанды айыптап, арадағы басты өткелді жапты. Сондай-ақ пәкістандықтарды визасынан айырды. 

Сонымен қатар Дели Үнді өзенінің суын ортақ пайдалану туралы келісімнің күшін тоқтатты. Ал Пәкістан әуе кеңістігін жауып, Үндістанмен арадағы сауданы доғарды.

Үндістан полициясы үш күдікті содырдың есімдерін жариялап, олардың екеуі пәкістандық екенін атап өтті. Үндістан Пәкістанмен дипломатиялық қарым-қатынасты бұзып, елшіліктегі жұмысшыларының санын екі есеге азайтты. 

Айта кетейік, Кашмирдегі терактіден кейін Үндістан Пәкістан шекарасындағы «Аттари» бақылау-өткізу пунктін жауып тастаған болатын.