Үй алып беремін деген желеумен 150 адамды тақырға отырғызған екі сыбайлас сотталды

Бірнеше жыл бойы мемлекеттік бағдарлама атын жамылып алаяқтыққа барған екі таныс адамның ісі әшкереленіп, 6 жыл 8 ай мерзімге сотталды, деп хабарлайды Orda.kz.

Бас прокуратураның мәліметінше, сыбайлас болған екі адам кеңсені жалға алып, жұмыс істеп тұрған ЖШС-ның деректерін пайдаланып іс қылған. Сотталғандар азаматтарды жеңілдетілген шарттармен Астана мен Алматы қалаларында орналасқан жоғары санатты тұрғын үй алу, сондай-ақ мемлекеттік бағдарлама аясында несие мен қарыз рәсімдеуге уәде беріп, жалған келісімшарттар жасап алдаған. Олар 150 жәбірленушіге 1 млрд теңгеден астам шығын келтірген.

Айта кетейік, Түркістанда ер адам әйелінің ішін ұстап тексеріп көрген фельдшерді соққыға жықты.