Ер адам әйелін тексермек болып ішін ұстаған фельдшерді ұрып тастады

Түркістанда ер адам әйелінің ішін ұстап тексеріп көрген фельдшерді соққыға жықты, деп хабарлайды Orda.kz. 

Келіншек жедел жәрдемді түсік тастау қаупімен шақыртқан. Бірақ жедел жәрдем қызметкерін науқастың күйеуі ұрып тастаған. Фельдшер соқыр ішектен күдіктеніп, аяғы ауыр келіншектің ішін ұстап тексерген екен. Бөтен еркек келіншегінің ішін ұстағанына шамданған ер адам ашуына ерік берген. Жедел жәрдем қызметкері ауыр соққы алған, миы шайқалған.

Айта кетейік, Жамбыл облысында 9-сынып оқушысы 14 жастағы қатарласынан жүкті болып қалды.