WBO Жәнібек Әлімханұлының дисквалификациясын тоқтатты, ол енді титулға үміткер
Фото: Orda.kz
Қазақстандық боксшы Жәнібек Әлімханұлының дисквалификациясы мерзімінен бұрын тоқтатылып, ол WBO нұсқасы бойынша екінші орта салмақтағы әлем чемпионы атағына міндетті үміткер болып белгіленді, деп хабарлайды Orda.kz ұйымға сілтеме жасап.
Дүниежүзілік бокс ұйымының (WBO) ресми сайтында Әлем чемпионаттары жөніндегі комитеттің WBO нұсқасы бойынша екінші орта салмақтағы әлем чемпионы атағына міндетті үміткерді анықтау туралы шешім қабылдағаны хабарланды.
Құжатта комитеттің Жәнібек Әлімханұлын рейтингтегі ең жоғары тұрған және міндетті үміткер мәртебесін беруге қойылатын талаптарға барынша сәйкес келетін боксшы деп танығаны айтылған.
«Комитет Жәнібек Әлімханұлын WBO нұсқасы бойынша екінші орта салмақтағы әлем чемпионы атағына міндетті үміткер ретінде тағайындау туралы шешім қабылдады. Осылайша, ол WBO нұсқасы бойынша екінші орта салмақтағы қазіргі әлем чемпионы Хамза Шираздың міндетті қарсыласы болады» деп жазылған құжатта.
Сонымен комитет Жәнібек Әлімханұлының допинг сынамалары нәтижесіне байланысты дисквалификациясы 2026 жылғы 10 шілдеден бастап тоқтатылғанын мәлімдеді. Бұл шешім қазақстандық боксшының чемпиондық жекпе-жекке қатысу мүмкіндігін қарастыруға жол ашты.
Алайда ұйым дисквалификацияның тоқтатылуы негізгі тәртіптік істің күшін жоймайтынын және допинг ережесін бұзу фактісі болмағанын білдірмейтінін атап өтті.
Еске сала кетейік, 2025 жылғы 6 желтоқсанда өтуі тиіс үш чемпиондық белбеу үшін жекпе-жек алдында Жәнібек Әлімханұлы допинг дауына қалған еді. WBO қазақстандық боксшының допинг сынамасынан тыйым салынған зат анықталғанын ресми түрде растаған болатын. Осыдан кейін тергеу басталды.
Кейін ұйым Жәнібек Әлімханұлын чемпиондық белбеуінен айырмау туралы шешім қабылдағанымен, қазақстандық боксшыны 2026 жылғы желтоқсанға дейін бір жыл мерзімге дисквалификациялағаны хабарланды.
Бұған қоса, WBO басшысы Густаво Оливьери The Ring басылымына берген сұхбатында Жәнібек Әлімханұлының орта салмақтағы титулынан бас тартып, екінші орта салмаққа ауысқанын айтқан болатын.
Оқи отырыңыз:
Жаңалықтар
- WBO Жәнібек Әлімханұлының дисквалификациясын тоқтатты, ол енді титулға үміткер
- Индонезияда магнитудасы 7,7 болатын күшті жер сілкінісі болды: Қаза тапқандар бар
- Алматыдағы блэкаут: Қала көшелерінде 1300-ден астам заңбұзушылық болды
- Түркістан облысындағы жанармай бекетінде бензин таситын 10 тонналық көлік өртенді
- Дастан Сәтбаев жаңа маусымда «Бернли» сапында ойнайды
- Алматыда бағдаршамдар іске қосылып, метро жұмысын қайта бастады
- Канье Уэсттің концерті 15 тамызға ауыстырылды
- Қазақстандағы электр желісіндегі ақауға не себеп болды? KEGOC жауабы
- Шымкентте бұрынғы күйеуі әйелдің бетіне қышқыл шашып, күйдіріп тастады: Оқиғаның мән-жайы
- «Баланың басынан таяқпен ұрған»: Бейімдеу орталығының маманы балаларға қатыгездік көрсеткен
- Ана мен бала өлімі азайды: Қазақстан медицинасының жаңа көрсеткіштері
- 20 адам зардап шегіп, 45 млн теңгеден астам шығын келтірген алаяқ әйел сотталды
- Павлодар облысының тұрғыны полиция бөлімінде жұмбақ жағдайда қайтыс болды
- Отбасын қолдау орталығының заңгері әйеліне тұрмыстық зорлық-зомбылық жасаған
- Оралда септикке құлаған 8 жастағы қыз көз жұмды
- Астанада автобус самокат мінген жасөспірімді қағып кетті
- Садыр Жапаров екінші президенттік мерзімге сайлауға түсу жоспарын жариялады
- Алматыда бір тәулікте 2 мыңнан астам жол ережесін бұзу фактісі анықталды
- «Дайвинчик»: Танысуға арналған танымал Telegram-ботына сот арқылы тыйым салынды
- Колумбиядағы жер сілкінісінен қаза тапқандар саны 280-нен асты
