Владимир Зеленскийдің ең жақын серігі Андрей Ермак тергеу абақтысынан шықты

Украина президенті Владимир Зеленскийдің ең жақын серігі әрі оң қолы саналған, президент кеңсесінің бұрынғы басшысы Андрей Ермак тергеу изоляторынан шықты, оның кепіл ақшасы толық төленді, деп хабарлайды Orda.kz. 

Андрей Ермак үшін кепіл ақшасы толық  төленіп, ол тергеу абақтысынан босатылды. Украина Жоғары антикоррупциялық соты Владимир Зеленскийдің бұрынғы кеңсе басшысы Андрей Ермак үшін белгіленген кепілдің толық төленгенін растады. Бұл туралы «Общественное» басылымы сот органдарына сілтеме жасап хабарлады.

Сөз 140 миллион гривин туралы болып отыр, бұл шамамен 3,1 миллион АҚШ долларына тең. Ермак сол жерде бүкіл демалыс күндерін өткізген. Енді қаражат төленгеннен кейін ол бостандыққа шығуға мүмкіндік алды.

Еске салайық, Андрей Ермакқа айып 11 мамырда тағылған. Украинаның Мамандандырылған антикоррупциялық прокуратурасы оны Киев маңындағы элиталық тұрғын үй кешені құрылысы барысында қаражатты заңдастырды деп күдіктенді.

Бейсенбі күні Жоғары антикоррупциялық сот Ермакты қамауға алу туралы шешім шығарып, бірақ кепілмен босауға рұқсат берген. Айыпталушының өзі мұндай қаражат жоқ екенін айтып, оны шынайы емес деп атаған. Қорғау тарабы апелляция беруді жоспарлаған. Алайда қаражат бәрібір табылды. Айта кетерлігі, Ермак тергеу изоляторында ақылы камерада отырған.

Оқи отырыңыз: 

• Стамбұл–Измир тас жолында жолаушылар автобусы аударылды: Көптеген жарақат алғандар бар
• 2026 жылы Құрбан айт 27 мамырға белгіленді