Елжас Отыншиев «Қазақстан темір жолын» басқарады

«Қазақстан темір жолы» ұлттық компаниясына жаңа басшы келді. «Самұрық-Қазына» АҚ басқармасының шешімімен компания төрағасы болып Елжас Отыншиев тағайындалды, деп хабарлайды Orda.kz.

«Самұрық-Қазына» АҚ Басқармасының шешімімен Елжас Отыншиев Мұратұлы «Қазақстан темір жолы» ҰК» АҚ Басқарма төрағасы қызметіне тағайындалды. Ол бұл қызметте бір жылға жуық уақыт ҚТЖ-ны басқарған Талғат Алдыбергеновтің орнына келді.

Елжас Отыншиев бұған дейін «Қазақстан темір жолы» ұлттық компаниясында түрлі басшылық қызметтерді атқарған. Оның теміржол саласында көп жылдық тәжірибесі бар.

Отыншиев Мәскеу физика-техникалық институтында «Жалпы және қолданбалы физика» мамандығы бойынша бакалавр және магистр дәрежесін алған. Еңбек жолын 2007 жылы Ernst & Young компаниясының Мәскеудегі кеңсесінде консультант болып бастаған.

2009–2019 жылдары «Самұрық-Қазына» қоры мен оның еншілес ұйымдарында қызмет атқарды. Кейін KIDF ұйымында инвестициялық портфельді басқару бағытын басқарды.

2023 жылдың сәуірінен бері «Самұрық-Қазына» АҚ-ның Стратегия және активтерді басқару жөніндегі басқарушы директоры – Басқарма мүшесі болды. Бұл қызметте қордың мұнай-газ, теміржол, тау-кен өнеркәсібі және өзге де салалардағы портфельдік компанияларына жетекшілік етті.

2024 жылдың ақпанынан бастап «Қазақстан темір жолы» ҰК» АҚ Директорлар кеңесінің мүшесі. 2023 жылы «Ерен еңбегі үшін» мемлекеттік медалімен марапатталған.

Оқи отырыңыз:

Қазақстан мұнайы тиелген екі танкерге шабуыл жасалды: Министрліктер не дейді?

Қазақстанда үш бірдей орман өрті сөндіріліп жатыр