Ұсталған Әділетхан Молдахан туралы не белгілі?

Алматыда заңгер Әділетхан Молдаханның ұсталғаны туралы ақпарат 30 наурызда белгілі болды. Молдаханды полиция түсініктеме алуға шақырып, кейін қамаған, деп хабарлайды Orda.kz.

Ол құқықтық және резонансты тақырыптарға пікір білдіретін медиадағы сарапшы ретінде танылды. Блогердің парақшасына 1 миллионнан астам адам жазылған. Оның парақшасындағы сипаттамада азаматтық, қылмыстық және әкімшілік істер бойынша заңгерлік кеңес беретіні көрсетілген.

Ол эфирде заңгер ретінде шығып пікір білдіріп тұрады, сондай-ақ ол жол-көлік оқиғалары, алаяқтық және қоғам үшін маңызды өзге де істер бойынша үнемі пікір айтып жүреді. Молдахан бұрын полиция қызметкері болғанын да айтады.

Молдаханның аты соңғы күндері Алматыдағы Әл-Фараби даңғылындағы өліммен аяқталған жол апатынан кейін жиі атала бастады. Заңгер бұл оқиғаға көше жарысы себеп болуы мүмкін екенін, ал жарысқа полициямен байланысты көлік қатысқан болуы мүмкін екенін айтқан. 

Еске сала кетейік, Алматыдағы бес көлік жарысып, үш адам қаза болған шулы оқиғаға қатысты қылмыстық іс қозғалды.

Оқи отырыңыз:

• Әл-Фараби даңғылында болған жол апатына кінәлі 10 жылға сотталуы мүмкін
• Санжар Боқаев бұлтартпау шарасымен екі айға қамалды
• «Досаевтың кезінде де болған»: Алматыда бюджет ақшасына алған қыштарды неге жеке үйге тасыды?