«Ұрлап әкетпек болған»: Таразда 13 жастағы қызды құтқарған ер адам марапатталды

Бүгін, 19 ақпанда Жамбыл облысы полиция департаменті Тараз қаласының тұрғыны Нұркен Умаровты марапаттады. Ол екі ер адамның 13 жастағы қызды ұрлауына жол бермеді, деп хабарлайды Orda.kz. 

Кеше ғана әлеуметтік желіде екі ер адамның кәмелет жасқа толмаған қызды күштеп көлікке отырғызуға тырысқан сәті түскен бейнежазба тарады. Аялдамада тұрған ер адам жағдайға бейжай қарамай, қызды құтқарып қалды. 

Күдіктілердің жеке басы анықталып қолға түсті. Сотқа дейінгі тергеп-тексеру амалдары басталды.

Жамбыл облысы ПД бастығы Нұркен Умаровқа ішкі істер министрі Ержан Сәденовтің, сондай-ақ жеке өзінің атынан шынайы алғыс білдірді.

Марапаттау рәсімі барысында Қайсар Сұлтанбаев Нұркен Умаровтың әрекетін нағыз ерлікке теңеді. 

Оқи отырыңыз:

• Тараз қаласы әкімдігінің шенеунігі кінәлі бола тұра жазаға тартылмады
• Жаңа жыл түні Тараз мейрамханасынан жүздеген адам эвакуацияланды