Ұлттық ұланның 1 млрд теңгеден астам тұратын жері мемлекетке қайтарылды

Қорғаныс мақсатындағы құны бір миллиард теңгеден асатын жер учаскесі мемлекет меншігіне қайтарылды. Бұл Ұлттық ұланның әскери бөлімдерінің біріне бекітілген, аумағы 87 гектардан асатын жер телімі, деп хабарлайды Orda.kz. 

Бас әскери прокуратураның мәліметінше, аталған жер 1999 жылы заңсыз түрде мемлекеттік меншіктен шығарылған. Кейін учаске бірнеше рет қолдан қолға өтіп, жекеменшік құрылымдарға сатылған.

Заң бұзушылықты Шымкент гарнизонының әскери прокуратурасы анықтады. Прокурорлар әскери бөліммен бірлесіп сот арқылы сатып алу-сату шарттарын жарамсыз деп тануға қол жеткізді.

Нәтижесінде жер учаскесі мемлекетке қайтарылып, әскери ведомствоның балансына берілді.

Оқи отырыңыз:

• 62 жастағы әйел 34 әшекейді интим жеріне жасырып, заңсыз өткізбек болған
• Боралдайда сушидан 19 адам уланып, аруханаға түсті