Ұлттық банк қазақстандықтарға ескерту жасады

Қазақстан Ұлттық Банкі банк карталарын бұғаттайтын телефон-алаяқтардың жиілеп кеткенін ескертті, деп хабарлайды Orda.kz. 

Алаяқтар ашық дереккөздерден адамдардың жеке деректерін алып қаржы ұйымдарының байланыс орталығына «клиент» атынан жүгінеді. Олар банк қызметкеріне банк картасының жоғалғанын айтады. Жалған хабардан соң жәбірленушінің төлем картасы бұғатталады.

Кейін алаяқтар азаматтардың өзіне банктің немесе құқық қорғау органы қауіпсіздік қызметі өкілі ретінде хабарласады. Сөйтіп «картаны бұғаттан шығарамыз» деп SMS-код, интернет-банкингке арналған пароль, болмаса, CVV/CVC-код секілді деректерді алуға тырысады. 

Ұлттық банк төлем картасы бұғатталған жағдайда банктің ресми колл-орталығына хабарласу керегін ескертті. 

Сондай-ақ, банкомат маңын торуылдап жүретін алаяқтардан да сақ болуға шақырды. 

Оқи отырыңыз:

• Тоқаев: Бюджет қаражатын игере алмай отырсыздар
• Қаржы министрлігі: Алматыдағы ЖШС басшысының жалақысы 131,5 млн теңге 
• Қазақстандықтарға қаржы пирамидалары шамамен 20 млрд теңге шығын келтірді