Қазақстандықтарға қаржы пирамидалары шамамен 20 млрд теңге шығын келтірді

Қаржы мониторингі агенттігі қаржы пирамидаларын құру және басқару фактілері бойынша 57 қылмыстық іс тергеуін аяқтап, 20 млрд теңгеге жуық шығынды анықтады, деп хабарлайды Orda.kz.

20 млр теңгеге жуық шығынның 12 млрд теңгеден астамы өтелген. Мәселенің ауқымы соншалықты үлкен болғандықтан, ҚМА «Қаржы пирамидаларына қарсы күрес» арнайы жобасын іске қосты. Бұл жоба қаржы пирамидаларының ауқымын қысқартуға және оларға тартылған салымшылар санын азайтуға бағытталады.

Агенттіктің соңғы істерінің бірі — HitBeatMusic. Бұл пирамида өзін канадалық музыкалық инвестициялық жобаның ірі акциялар пакетіне ие шетелдік компания ретінде көрсетіп, шын мәнінде музыкаға қатысы жоқ «акцияларды» сатқан.

«Салымшылар қаражатын тарта отырып, оларға салынған сомадан 10%-дан 15%-ға дейін кіріс уәде етілген. Шығын көлемі 255 млн теңге болды. Сот үкімімен аталған тұлғалар кінәлі деп танылып, 5 жылдан 6 жылға дейін бас бостандығынан айырылды», – деп атап өтті ҚМА.

Сондай-ақ, агенттік биыл 10,5 мың қаржылық алаяқтық белгілері бар сайт сілтемелерін бұғаттап, WhatsApp, Telegram және Instagram желілеріндегі 292 чаттың жабылғанын айтты.

Алаяқтардың тұзағына түспеу үшін агенттік қаржы пирамидасының белгілерін тексеруге мүмкіндік беретін телеграм-ботты іске қосты. Сонымен қатар, ведомство сайтында бұзушылықтармен ұсталған компаниялардың тізімі бар.