Украина полициясы Андрей Парубийдің қазасына күдікті адамды ұстады

Хмельницкий облысының депутаты, Жоғарғы Раданың бұрынғы спикері Андрей Парубийді өлтіруге күдікті деп танылған атқыш ұсталды. Бұл туралы Украинаның ішкі істер министрі Игорь Клименко мәлімдеді, деп хабарлайды Orda.kz.

Оның айтуынша, қылмыс мұқият дайындалған: марқұмның қозғалыс кестесі зерттеліп, маршрут жасалған, қашу жоспары да ойластырылған.

Кісі өлтіргеннен кейін 24 сағаттан соң құқық қорғау органдары күдіктінің тікелей ізіне түсіп, 36 сағаттан соң оны ұстады.

Клименко барлық қатысушыларға тамаша жұмысы үшін алғыс айтты.

Тергеу мен ұстау Украина президентінің жеке бақылауында болады.

Еске сала кетейік, Украина Жоғарғы Радасының бұрынғы спикері Андрей Парубийді 30 тамызда Львов көшесінде атып кетті. Қылмыскер оған бес оқ атып, алған жарақатынан саясаткер сол жерде қаза тапқан еді.