Украина Жоғарғы Радасының экс-спикерін көшеде атып кетті

 Украина Жоғарғы Радасының бұрынғы спикері Андрей Парубийге Львов қаласының көшесінде бес рет оқ атылды. Жеткізу қызметі курьерінің формасын киіп шабуылдаған адам қашып кеткен, қазір оны полиция іздеуде, деп хабарлайды Orda.kz.

 «Украинская правда» жазғандай, саясаткер алған жарақатынан сол жерде қаза тапқан. Қайғылы оқиға 30 тамызда қаланың Сихов ауданында болды. Владимир Зеленский оның Парубий екенін растады.

 «Украина Ішкі істер министрі Игорь Клименко мен Бас прокурор Руслан Кравченко Львовтағы оқиғаның алғашқы белгілі жағдайларын хабарлады. Андрей Парубий қайтыс болды. Оның отбасы мен жақындарына көңіл айтамын. Кісі өлтірген адамды іздеу мен тергеу үшін барлық қажетті күш пен құралдар қолданылады» деп жазды Зеленский өзінің фейсбуктегі парақшасына. 

Андрей Парубий қайтыс болған жер. Фото: «Осторожно, новости»

Андрей Парубий соңғы жиырма жыл бойы Украина саясатының көрнекті тұлғасы болды. Ол 2014 жылы Майданның лагерь комендантынан Жоғарғы Рада төрағасына дейін 2016 жылдан 2019 жылға дейін спикер қызметін атқарды. Бұған дейін де наразылықтар кезінде оған қастандық жасалған,  ол кезде саясаткерге граната лақтырылған, бірақ ол аман қалған еді.

Бұл жолы оны құтқарып қалу мүмкіндік болмады. Полиция кісі өлімін тергеп, Львов қаласының тұрғындарынан атқыш туралы кез келген ақпарат беруді сұрайды. Әзірге шабуылдаушының Glovo азық-түлік жеткізушісінің формасын киіп, электровелосипед теуіп жүргені белгілі.

Осы  арада ГФР канцлері Путин мен Зеленскийдің кездесуі болмайтынын мәлімдеді.