ҰҚК-ның 5-ші департаментінің басшысы аштық жариялады

ҰҚК-ның 5-департаментінің экс-басшысы Руслан Ысқақов аштық жариялады, деп хабарлайды Orda.kz.

Бұл туралы оның адвокаты Евгений Яворский өзінің инстаграм парақшасында мәлімдеді.

«Қоғамға жариялағым келіп тұрған ақпарат: Қаңтар оқиғасына байланысты сотталған ҰҚК 5-ші департаментінің бұрынғы басшысы Руслан Серікұлы Көкшетау қаласындағы түрмеге түскеннен кейін, аштық жариялады. 28 қаңтардан 3 ақпанға дейін ол осылай отырды. Адамдар бұндайды жайдан-жай жарияламайды, бір себептері бар. Құзырлы органдардан Русланның не үшін бұндай қадам жасағанын анықтағанын сұраймын.Оны бұндай жағдайға не итермелегенін білу – біз үшін маңызды», – деді адвокат.  

Айта кетейік, 27 қаңтар күні Руслан Ысқақов Арман Жұмагелдиевтің (Дикий Арманға) жаппай тәртіпсіздік ұйымдастырғанын қолдағаны үшін айыпталып, 15 жылға бас бостандығынан айырылды.