Түркістанда кемтар адамды 400 мың теңгеге сатқан күдікті ұсталды

Түркістан облысында адам саудасымен айналысқан күдікті ұсталды.

Бұл туралы Түркістан облыстық прокуратурасы хабарлады.

Түркістан облыстық прокуратурасы координациясымен полиция департаментінің ұйымдасқан қылмысқа қарсы күрес басқармасы жедел-іздестіру шаралары барысында күдікті азамат 400 мың теңге көлемінде ақша алып жатқанда қолға түсті.

«Оның соңғы екі жылда мүмкіндігі шектеулі екі адамды қайыр сұрауға мәжбүрлегені және Шымкент қаласына сатқандығы анықталды. Қазір тағы 10 адамның осы қылмысқа қатысы бар-жоғы анықталуда. Тергеу жалғасып жатыр» деп мәлімдеді Түркістан облыстық прокуратурасы. 

Еске сала кетсек, Orda.kz 2024 жылы Қазақстанда адам саудасына қатысты 137 қылмыстық іс тіркелгені жайлы жазған болатын.