«Адам саудасы»: Биыл Қазақстанда 137 қылмыстық іс тіркелді

2024 жылы Қазақстанда адам саудасына қатысты 137 қылмыстық іс тіркелді.

Бұл туралы Ішкі істер министрлігі хабарлады.

Мемлекеттік органдармен бірлесе отырып, адам саудасына және соған байланысты құқық бұзушылықтарға қарсы тұру бойынша жұмыстар жүргізіліп жатыр. Биылдың өзінде адам саудасының 137 фактісі тіркелді. Оның ішінде 9 адам ұрлау, заңсыз бас бостандығынан айыру фактілері анықталды.

Жалпы 2023 жылмен салыстырғанда адам саудасы бойынша барлығы 150 қылмыстық іс қозғалды.

«Ұлттық қауіпсіздік комитетімен бірлесе отырып, Шымкент қаласы, Қарағанды ​​және Қызылорда облыстарында 4 аса қауіпті қылмыстық топ өкілдерінің іс-әрекетіне тосқауыл қойылды,» — деді  ІІМ ұйымдасқан қылмысқа қарсы күрес департаментінің басшысы Қуандық Алпыс.