Түркістан облысындағы «Қыран» футбол клубы қызметкерлеріне 100 млн теңгеден астам қарыз

Түркістан облысындағы «Қыран» футбол клубы өз қызметкерлеріне ірі көлемде жалақы берешегін өтемей отыр, деп хабарлайды Orda.kz.

Мәліметке сәйкес, клубтың 44 қызметкері екі жылдан бері еңбекақысын ала алмай келеді. 2024 жылдан бері жиналған жалпы қарыз көлемі 101,2 млн теңге болған.

Клуб басшылығына міндетті түрде орындалуы тиіс нұсқамалар беріліп, әкімшілік шара қолданылған. Сонымен қатар, сот орындаушылары ұйымның есепшоттарын бұғаттаған.

Еңбек министрлігі Мемлекеттік еңбек инспекциясы комитеті департаменті басшысының орынбасары Мұрат Төлендиевтің айтуынша, атқарушылық іс жүргізу аясында берешекті өндіру жұмыстары жалғасып жатыр.

Оқи отырыңыз:

• Тоқаев қазақстандықтарды халықтың бірлігі күнімен құттықтады
• Тоқаев Ресейдің сыртқы істер министрі Лавровпен кездесті