Түркістан облысында қызды зорлап өлтірген мигранттардың ісі жабық сотта қаралады

Түркістан облысы Ордабасы ауданы Төрткүл ауылында жол жиегінен денесі табылған 16 жастағы қыздың өлімі бойынша іс жабық сотта қаралатын болды, деп хабарлайды Orda.kz. 

Істі облыстық қылмыстық істер жөніндегі ауданаралық сот қарайды. Күдіктінің үстінен қылмыстық кодекстің «адам өлтіру» бабы, «зорлау» бабы және «жыныстық сипаттағы зорлық-зомбылық әрекеттері» бабы бойынша іс қозғалған.

Айта кетейік, қайғылы жағдай биыл 6 маусымда Төрткүл ауылында болған. Қыз дүкеннен шығып үйіне қайта оралмаған. Таңертең полиция мен ауыл тұрғындары қыздың денесін жол жиегінен тапты. 

Ауыл тұрғындарының айтуынша, қыздың денесі табылған күні марқұмның отбасының дүкені жанында орналасқан наубайханада жұмыс істейтін еңбек мигрантын полицейлер ұстаған. Артынша ауылда байланыс үзіліп, күзет күшейген. Көп өтпей жалданып жұмыс істеп жүрген еңбек мигранттарының бәрі ауылдан шығарылған.

Еске салайық, экология және табиғи ресурстар министрлігінің бұрынғы басшысы Зүлфия Сүлейменова сыртқы істер министрлігінің ерекше тапсырмалар жөніндегі елшісі болып тағайындалды.