Түркияда ұшақ ішінде украиндықтар мен қазақтар төбелесіп қалды

Түркиядан шығуы тиіс ұшақ украиндық ерлі-зайыпты мен қазақ әйелдерінің төбелесіне байланысты ұшпай қалды, деп хабарлайды Orda.kz. 

Pegasus авиакомпаниясының ұшағы түріктердің Эрзурум әуежайында тосын жағдайға тап болды. Ұшақ Анталиядан Астанаға қарай ұшуы керек болған. Бірақ ұшуға бірер минут қалғанда  Қазақстаннан келген әйелдер мен Украинадан келген ерлі-зайыптылар арасында жанжал басталған. Жанжал төбелеске ұласып, бортсеріктер жанжалды шеше алмаған.

Полиция төрт жолаушыны бөлімшеге алып кетті. Олар тергеуден кейін тексеруден өту үшін медициналық мекемеге жіберілді. Төбелеске қатысушылар бір-біріне шағым түсірді. Ұшақ 4 жолаушыны тастап, Астанаға сәтті қонды.