Ақтөбе облысында мектеп оқушысы қорада өзіне қол жұмсады
Фото: Instagram / Togyzortamektebi
Ақтөбе облысында оқушы өзіне қол жұмсады. Өлім себептері анықталып жатыр, тергеу басталды, деп хабарлайды Orda.kz тілшісі.
Қайғылы оқиға болған күні 10- сынып оқушысы өзін жайсыз сезінетінін айтып сабаққа бармаған. Анасы «ботаны байлап кіремін» деген баланың денесін тапты. Бұл жағдай 17 қаңтар күні Шалқар ауданы Шілікті ауылында болды. Мектептің 10-сынып оқушысы кешке өзіне қол жұмсады. Қоштасу хаты табылмаған.
Ауыл мектебінде бірнеше рет буллинг, зорлық – зомбылықтың алдын алу тақырыбында семинар өткен. Бірақ Шалқар аудандық білім бөлімінің басшысы оқиғаға буллингтің қатысы жоқ деп сендірді.
«Толық отбасы. Әкесі теміржолда істейді, анасы мектепте мұғалім. Оқиға кешкілік уақытта үйінде болған. Буллинг анықталмады. Қорадан анасы тапты. Ол анасымен бірге мал саууға шыққан, ботаны байлап кірем деген. Анасы шай дайындап, баласы келмеген соң далаға шыққанда оның денесін тапқан. Сол күні көңіл-күйі жақсы болды дейді. Ірі денелі бала», - деді Шалқар аудандық білім бөлімінің басшысы Аянберген Башанов.
Жасөспірімнің отбасында төрт ағайынды болған. Марқұм үйдің кенжесі екен. Спортқа қатысады. Сыныпта белсенді оқушылардың бірі болғаны айтылады.Шалқар аудандық полиция бөлімі кәмелетке толмаған баланың өз-өзіне қол жұмсау фактісі бойынша қылмыстық істі тергеп жатыр.
Ақтөбедегі облыстық білім басқармасы оқушының желідегі парақшасына да талдама жүргізген.
«Оқушы өз-өзіне қол жұмсау арқылы қайтыс болды. Білім басқармасы жанынан шұғыл әрекет ету жұмыс тобы құрылып, зерделеу жүргізілді. Мектеп әкімшілігінен, мұғалімдерден, достарынан ақпарат жинақталды. Оқушының әлеуметтік желілердегі белсенділігі талданды. Білім беру мекемесіндегі қауіп-қатер факторлары, яғни зорлық-зомбылық зерделенді. Нәтижесінде буллинг анықталған жоқ. Басқа оқушылардың қауіпсіздігін қамтамасыз ету мақсатында психологиялық қолдау шаралары әлі жалғасуда», деп хабарлайды Ақтөбе облыстық білім басқармасы.
Автор: Ардақ Ерубаева
Жаңалықтар
- Жолаушыларға лық толы ұшақта портативті қуаттағыш атылып, бүкіл әуежай әуре-сарсаңға түсті
- Президент Ұлытау облысының жаңа әкіміне өңірдің тұрмыс сапасын жақсартуды тапсырды
- Театр ардагері Бижамал Кемалова өмірден өтті
- Салық органдары кәсіпкерлерге қызметкерлердің жалақысын көтеруді жаппай талап ете бастады
- Алматыда биыл 105 лифт ауыстырылады
- Цифрлық майнинг: 2 млрд теңгенің заңсыз криптовалюта операциясы немен аяқталды?
- КҚК Новороссийск арқылы мұнай жөнелтуді қайта бастады
- Президент Тоқтар Әубәкіровті 80 жылдық мерейтойымен құттықтады
- 9 ай бойы дұрыс емдемеген: БҚО-дағы аурухана қайтыс болған науқастың отбасына өтемақы төленеді
- Алматыда жер сілкінісін ерте ескерту жүйесі күшейтіліп жатыр: 35 жаңа сейсмобекет салынды
- Немересі әжесінің мәйітімен бірге крематорий пешіне секірді
- Астанада автосалон жұмысшысы клиенттердің көлігін сатып жіберген
- Қазақстандық турист Ыстықкөлде 14 жастағы қызды соққыға жықты
- Қасым-Жомарт Тоқаев Эндрю Бернемді құттықтады
- Аятолла Мұджтаба Хаменеи қарсылықты жалғастыруға шақырып, АҚШ-пен келісім шарттарын атады
- Қытай АҚШ-пен соғыс және Тайваньды басып алу сценарийлерін макет арқылы пысықтауда
- «Боратты» жарнамаға қосқан Shoqan бренді дауға қалды
- Джеки Чан Қазақстандағы кеште Miyagi мен Нұрлан Сабуровпен бірге көңіл көтерді
- Иран: АҚШ-қа 20 млрд доллардан астам шығын келтірдік
- Алматыда түнгі жол апатынан екі қыз қаза тапты
