Түркияда нөсер жаңбыр салдарынан екі адам қаза тапты

Түркияда қатты жауған жаңбыр өзен арналарынан асып, су тасқыны мен селге ұласты. Табиғи апат салдарынан адамдар қаза тауып, бірқатар өңірдің инфрақұрылымына айтарлықтай зиян келді, деп хабарлайды Orda.kz Anadolu агенттігіне сілтеме жасап.

Соңғы жаңалықтарддан белгілі болғаны Осман провинциясында нөсер жаңбырдың салдарынан екі адам қаза тапқан.

Қадірлі  ауданында өзендер арнасынан асып, су тасқыны мен сел жүрген. Бірнеше автокөлік су астында қалған.

Дюзичи ауданында Деличай өзені үстіндегі көпір қирап, Қаражаоғлан ықшамауданы мен Гөллүлер ауылы арасындағы жол жабылған.

Сондай-ақ қолайсыз ауа райы салдары Газиантеп пен Шанлыурфа қалаларында да тіркелген, көшелерді су басып, көлік қозғалысы қиындаған.

Жергілікті билік тұрғындарды су тасқыны, сел және көшкін қаупіне байланысты сақ болуға шақырды.

Haber Global басылымының мәліметінше, Балқан түбегінен келген суық ауа массалары әсерінен Түркияның 44 провинциясында қатты жауын-шашын, кей жерлерде қар жауады деп күтіледі. Түркияның Метеорология бас басқармасы, соның ішінде Стамбұл мен Анкарада да қолайсыз ауа райы болатынын ескертті.

Оқи отырыңыз:

• Италия мен Түркия жағалауында 40-тан аса мигрант қаза тапты
• Стамбұл көшесінде Қазақстан азаматын атып кетті
• Түркияда кадрлық дағдарыс: 791 мың жұмыс орны бос қалды